Tag: 香港

今日2019年第一日返工，為了開個好年，一早用菠蘿包煎雙蛋齋啡款待自己，提早享受每週cheat day。 這家60多年老的茶餐廳，每年都會加價。去年一月一日早餐統一加1蚊，今年一月一日所有包都加一蚊。 皆因當時較早，大部份都是常客熟客。食住個包，我慢慢欣賞店員同客人的對答，做了個盤點： 10個客有： 5個沒說話。 4個說類似：「加價了。辛苦啦。」 只有1個說類似：「哇！加咁多？！」「又加啦？」（跟住比店員以港式CS態度還牙：「你黎做啊」「貴唔好買啊」「咁買唔買啊？下位！！」） 40蚊的早餐加一蚊，感覺還可以。但6蚊嘅包變7蚊，幅度其實很大。理論上，應該更多人會有意見。 這令我回想起一個經歷。。。 2017年底，喺同一間茶餐廳食完，長期帶AirPod寸寸貢嘅爛仔侍應，臨走時同我吹水： 「31號晚點過？」 「blah blah」 「咁下年見啦。」 「嗯，下年見。」 「過年後加價啦。」 「啊，係啊？好啦。」 「講定先，等你過年前鬧咗先。」 「哈哈。有客會鬧？」 「X，我都會X啦。變L個鍾意加價啊。所以講定先，好過新一年第一日就猛被人X。」 「所有野都加啦，可以理解嘅。。。」 「X，日日被人X唔代表今次被人X會好受啲。X就係X。」 。。。 「好啦，下年見啦。」 「嗯。」 這就是歷練60年、港式Customer Service之涅槃也。