最仆街嘅game

我玩緊一個幾變態嘅game。

首先,個game好簡單:你基本上不停咁被折磨,仲要係喺你估唔到同最唔想嘅時候,就會殘暴你。你可以選擇做好事,或者做壞事,或者乜都唔做。不過好事壞事唔做事都唔會影響你被折磨被殘暴嘅頻率同程度。好事壞事唔做事亦冇固定嘅結果。有時會有粒星,有時會有舊屎,有時乜都冇。但係粒星同舊屎,就好似好事同壞事一樣,唔會影響你被折磨被殘暴嘅頻率同程度。

然後我地唔知玩完隻game之後會係點。可能係不論係命仔冇晒、定係打爆機,部機都會自動死機,永遠都開唔返著,以後都冇得再玩。又有可能係喺爆機之後,你嘅表現會影響你喺下一隻game嘅level。亦有可能係玩完之後,會有班評判睇吓你打成點,打得好有獎,打得衰會罰。

所以一隻咁嘅game,可以點玩呢?

咁仆街嘅game,仲玩?!

Leave a Comment